Tura, Lber 12 : Ki bor district ka West Garo Hills kila pynjynsur ia ka kowphiw ba arkynta ha ka 12 tarik Lber ban ailad ia ki nongshongshnong ba kin ioh leit thied leit pet ia ki mar ba donkam.
Kat kum ka jingpynbna bala pynmih da u District Magistrate, ka jingpynjynsur kan treikam naduh ka por 2 baje janmiet haduh ka por 4 baje janmiet.
Hapdeng kine ki kynta la shah ia ki briew ba kin mih nala iing ban leit thied ia ki marbam mardih, ki dawai bad kiwei kiwei ki mar ba donkam.
Kane ka jingpynjynsur ba shipor ka dei kaba la leh ban ailad ia ki nongshongshnong ba kin pynbiang ia la ki jong ki jingdonkam ba manla ka sngi katba ka korphiw ka dang treikam namar ka jinglong jingman ka suk ka sain ha ka district.
Ki bor district kila kyntu ia ki paidbah ba kin pyndonkam thikna ia ka por bala ai bad ban leit phai shala iing hashuwa ba ka korphiw kan treikam biang ha ka por 4 baje janmiet.
