Shillong, Rymphang 12: Ka sorkar pdeng kala mynjur ban pynjlan sa 6 bnai ia ka jingshakri ka Kong Idashisha Nongrang kum ka Director General of Police (DGP) ka jylla.
Ia ka jingtyrwa kaba la phah da ka Ministry of Home Affairs la ai jingmynjur da ka Appointments Committee jongka Cabinet, Ministry of Personnel, Public Grievances and Pensions, Department of Personnel and Training ha ka 11 tarik u Rymphang.
Kane ka jingpynjlan ka ailad ia ka Kong Nongrang ban bteng ban trei kum ka DGP ka Meghalaya sa na ka bynta 6 bnai hadien ba ka samoi treikam ka jongka kan kut noh ha ka 19 tarik u Jymmang 2026.
Ia kane ka kam la shimkhia kyrpang ha kaba iadei bad ka bha ka miat ki paitbah hapoh jongka Rule 16(1) jongka AIS (DCRB) Rules, 1958.
“Ka Appointments Committee jongka Cabinet kala mynjur ia ka jingtyrwa jong ka Ministry of Home Affairs ban pynjlan ia ka jingshakri jongka Kong Idashisha Nongrang, IPS (AM:1992), Director General of Police, Meghalaya, sa na ka bynta 6 bnai da kaba pynjynsur ia ka Rule 16(1) jongka AIS (DCRB) Rules, 1958, kum ka kam kaba kyrpang na ka bynta ka bha ka miat ki paitbah” la ong u Director Sakshi Mittal ha ka shithi kaba la phah sha u Secretary ka MHA u Govind Mohan ha ka sngi Balang.
 ka jylla.){kind=link}