Weng noh ki ASHA ia ka jingiakhih bala siewkhuid ka Sorkar ia ka bainong : Wailad

Shillong, K’Lyngkot 30: U Myntri ka tnat ka koit ka khiah u Bah Wailadmiki Shylla hynne ka sngi u la pynbna ba ka Sorkar Jylla ka la dep siew ia ka bainong jong ki kam ba trei tam (incentives) jong ki palat 7000 ngut ki nongtrei ASHA hapoh ka Jylla.

“Ngi la dep siew ia ka bai nong jong ki kam ba trei tam jongki nongtrei ASHA hapoh ka Jylla” ong u Bah Wailad.

U Bah Wailad u la pyntip ba ki nongtrei ASHA hapoh ka Jylla kila weng noh iaka jingsangeh treikam. “Katkum ka jingtip jong nga, ki nongtrei ASHA ki la weng iaka jingiakhih da kaba sangeh treikam” u la ong.

Haba kylli, u Myntri u la ong, “Hynrei ki don katto katne ki kam kiba dang sahteng ym na ka Tnad hynrei na ki. Kila sngewthuh ia kane, ta ka daw ngi lah weng noh ia ka jingiakhih”.