Shillong, K’lyngkot 30 : U Myntri ka Koit ka Khiah Bah Wailadmiki Shylla ula pyntip ba ka Sorkar Jylla ka dang ap ia ka kaiphod na ki consultant ban tip ia ka lynti kaba biang eh ha kaban pyniaid ia ka 108 Emergency Services ha Jylla.
“Ngi dang ia ap mynta namar ngi la thung ia ki consultant ba kin wad bniah ia kaei ka lynti kaba biang eh kaba ngin lah ban pyniaid bha ia ka 108 Emergency Services. Ngi dang ap ia ka kaiphod” ong u Bah Wailad haba iakren bad ki nongthoh khubor ha ka sngi Thohdieng.
Haba kylli halor ka tulop ba sahteng jong ki nongtrei, u Myntri ula jubab “Ia kane hi ngam pat ioh pdiang ia kano kano ka file, ngin sa peit ia kaei kaba dei ban leh”.
