Shillong, K’lyngkot 30 : U Symbud Myntri Rangbah ba khmih ia ka Tnad Transport Bah Sniawbhalang Dhar ula pyntip ba ka Tnad kala dep pynlait ia ki tender na ka bynta ban shna ia ka helipad-kawei ka Shillong bad ha Tura.
“Ka Tnad kala dep pynlait ia ka tender jong ka Shillong bad Tura bad ngam pat tip thikna la ia ka kam lah aiti ne em ban pyntrei” ula ong.
Haba iadei bad ka jingthied jaka, u Bah Sniawbhalang ula pynpaw ba kam don jingeh satia ha kane ka liang.
Haba kylli ia ka jingshakri ki helicopter sha kiwei pat ki bynta ka Jylla, ula ong “Ka Ministry of Transport kala pyntip sha ngi ba ai kan sdang shuwa ia kine ki artylli ki jaka bad hadien ngin sa pyrshang ban leh ha kiwei ki district headquarter ruh hynrei ym mynta mynta. Suki suki ngin sa pynpoi ia ka jingshakri sha kiwei ki district headquarter namar ngi donkam ruh ia ki”.
