Dibrugarh, K’Lyngkot 4: Hynriew ngut ki briew bad kynthup ia saw ngut ki pulit kila mynsaw hadien ba ka kali escort jong u Myntri Rangbah barim bad Minister ka Sorkar Pdeng, Sarbananda Sonowal kala tynrah ïa kawei ka kali paidbah (Creta) hajan Hatiali hapoh Chabua Police station ha Dibrugarh ha ka sngi u Blei.
Katkum ka khubor ba la ioh lum la ong ba katei ka jingjia aksiden ka la jia ha Hatiali bypass ha Chabua katba katei ka kali ka dang hiar na Dibrugarh ban leit sha ka shnong trai jong u Sonowal ha Chabua Bindhakata.
“Mynta ka janmiet, kawei ka kali escort jong u myntri sorkar pdeng u Sarbananda Sonowal ka la tynrah ia kawei ka kali paidbah (Creta) hajan Hatiali kaba hap hapoh ka Chabua Police Station..Halor katei ka jingjia hynriew ngut ki briew kila mynsaw kynthup ia 4 ngut ki pulit.La pynkit noh ia ki sha AMCH mardor da kajuh ka kali escort jong ki pulit.Baroh ki briew ba mynsaw kynthup ki pulit ruh kila lait na ka jingma bad mynta ki dang shah sumar ha AMCH Dibrugarh,” la ong u SP ka Dibrugarh u Gaurav Abhijeet Dilip.
 hajan Hatiali hapoh Chabua Police station ha Dibrugarh ha ka sngi u Blei.){kind=link}