Shillong, Nohprah 16 : U MP ka Shillong Dr Ricky AJ Syngkon ula kyrpad ia u Myntri kam Pohiing ka Ri Amit Shah ba un pyntreikam lang noh ia ka Inner Line Permit (ILP) ha Mehalaya, haba pynpaw ia ka jingsngewkhia ia ka rukom long ka jaka kaba buh ha ka jingma, ka jingshah klun jaka bad ka jingioh rung kyrthep ki mynder.
Ha ka shithi bala phah ha ka sngi Ba-ar, u Dr Syngkon ula ban jur ba ka jingpyntreikam ia ka ILP kan pynhap lang ia ka Meghalaya bd kiwei pat ki Jylla ka thain Shatei Lam Mihngi bad ban iada ia ka jingmyntoi ki jaidbynriew trai muluk. “Ka ILP kam beh ia kino kino ki nongshongshnong ka ri India ba kohnguh ia ka ain, hynrei, ka pynlong kongsan ia kito kiba wan rung sha Jylla na shabar ba kin pynrung kyrteng ialade, ban pyntip ia ka jingthmu, bad ka por ba kin sah” ula ong.
“(Namar kata)….da kaba burom nga kyrpad ia ka Ministry of Home Affairs ba kan ai jingmynjur ha kaban pyntreikam lang noh ia ka Inner Line Permit ha Meghalaya hapoh ka Bengal Eastern Frontier Regulation, 1873, ka ban long ruh kat kum ka resolution bala mynjur lang da ka Iingdorbar Thaw Ain ka Jylla ha ka 19 tarik Nohprah 2019” thoh u MP.
U Dr Syngkon ula kyrpad ruh ia ka Ministry ba kan thung ia ka Joint Technical Committee ba kan pynkhreh ia ki kyndon pyntreikam ia ka ILP nalor ban pyntip ruh ia ka Parliament bad ka State Assembly halor ka jinglong jingman bad ka jingtyrwa pyntreikam ia ka ILP khnang ba ki nongshongshnong kin tip ba ia ka jingsngewkhia jong ki lah shimkhia ban leh eiei kat kum ki lynti ba dei iaid.
U MP ula iai ban jur ba ka ILP kan kyrshan ia ka roi ka par bad ki kam jngohkai, haba ai nuksa na kiwei ki Jylla ba pyntreikam ia ka ILP ha ka thain Shatei Lam Mihngi.
 ha Mehalaya, haba pynpaw ia ka jingsngewkhia ia ka rukom long ka jaka kaba buh ha ka jingma, ka jingshah klun jaka bad ka jingioh rung kyrthep ki mynder.){kind=link}