Shillong, Nohprah 16 : Ki bor district ka East Khasi Hills kala pynmih ia ka hukum ba khang ban iaid ki kali heh ba kit mar ba khia palat ka 9 MT na ka surok Thangsning-Thynroit-Mawpyrshong bad ka Mawkynrew-Mynsang-Jatah.
Kane ka hukum bala pynjari hapoh ka kyndon 163 BNSS, ka thmu ban tehlakam ia ka jingnang sniew ka surok, kaba la jot na ka jingiaid ki kali kit mar ba palat pud.
Kat kum ka khubor, ka jingiai bteng ban iaid ki kali kitmar ba palat pud, kala buh ha ka jingma ia ka jingshngain ki nong leit nongwan ka thain bad buh jingma ruh ia ki nongkynti ki briew ka thain.
Kiba pynkhein ia ka hukum kin ngat ha ka jingshah bishar ain hapoh ka kyndon 223 jong ka BNS bad kiwei ki kyndon jong ka ain. Kane ka hukum kan treikam mardor bad kan iai bteng ban treikam haduh da pynmih da kawei pat ka hukum.
