Shillong, Nohprah 16 : Ka ACHIK kala dawa ia ka Sorkar Jylla ban pyndep noh mardor ia ka jingthungkam ia ki nonghikai bad ki nongtrei ha ka Captain Williamson Sangma State University (CWSSU) da kaba bud ryntih ia ka state job reservation policy.
“Ngi kyntu ia ka State University bad ki Tnad ba deikhmih ka Sorkar ba pyniaid noh mardor bad pyndep ia ki kam na ka bynta ban pynbna ia ka jinglaitkam nonghikai bad nongtrei khnang ban pynthikna ba ka University kan don ia ki nongtrei kat kum ka jingdonkam bad kiba aiti lut” ong ka ACHIK ha ka kyrwoh.
“Ngi dawa ban pynthikna ba ka jingthungkam ha baroh ki kam nonghikai bad nongtrei ba pura, dei ban bud kar kum ka Meghalaya State Job Reservation Police u snem 1972 bad ki jingbthah ka Sorkar” kala bynrap.
Kane ka seng kala ong ba ka jingshah niah ha ka thungkam adhoc bad ba shipor kan ktah jur ia ka jingbha bad jingiai bteng ki jingai jinghikai ha ka skulbah, kan pyndkoh ia ka jingtreikam ki bor pyniaid bad pynduhlad ia ki kyrtong ba don ka kyrdan ba kin ioh ia ka kam kaba neh skhem.
Ha kajuh ka por ka kyntu ia ki bor khmih ban pynthikna ia ka jingshai bad jingleh khlem shah liang ha ka jingthungkam, haba pynthikna ia ka hok bad jingiohlad ban iohkam na baroh ki Jaidbynriew.
 da kaba bud ryntih ia ka state job reservation policy.){kind=link}