Kynnoh ka FKJGP ba trei torti u kontraktor ïa ka surok Sohpian-Domkohsam-Diwah

Date:

Share post:

Nongstoiñ, Nailur 17: Ka jingtrei torti jong u kontraktor u ba la tip kyrteng kum u bah Peter Jyrwa ïa ka surok kaba la mang pisa lyngba ka Pradhan Mantri Garmsadak Yojana (PMGSY) na ka shnong Sopian haduh Diwah, kaba ïaid lyngba ka shnong Domkohsam, ka la pynlong ïa ki nongshong shnong ba kin ym hun.

Kumta ki nongïalam bad ki dkhot jong ka Federation of Khasi Jaiñtia & Garo People Domkohsam Unit ryngkat ki nongïalam jong ka Nongstoiñ circle, mynta ka sngi palei ki la hiar ban leit jurip, ha kaba ki la lap ba ka jingsiang rong ïa katei ka surok ka long kaba torti haduh katta katta. La lap ruh ba ki don ki jaka kiba imat tang u mawria ruh um theh hynrei la shu theh tang da ka khyndew bad siang ïa ka rong. Nalor kata la lap ruh ba ka jingsiang ïa ka rong ka stang tang kum ka kot sada bad lada khynrud da ka kjat suda ruh la pei khyndew.

U samla Ananstar Peiñlang vice president ka FKJGP Nongstoiñ circle, haba ïakren bad ki nongthoh khubor hadien ba la wan jurip ïa katei ka surok, u la ong ba ka seng ka sngew lyngngoh ban ïohi ba kiba bun ki kontraktor kiba pyntrei ïa ki surok kim ju bud kat kum ki kyndon ba la bthah da ka sorkar, hynrei tang na ka bynta ban ïoh nong ïalade ki trei torti bad trei tang dep khlem pyrkhat lem ïa ka jingeh jong ki paitbah hadien habud.

Nalor kata u la ong ruh ba imat kiba bun ki kontraktor ki wanrah da ki nongbylla ki bym pat tbit ban trei namar katba hukum u kontraktor ki shu kohnguh beit. U la ong ba ha ka jingshisha ka surok ka dei kaba kongsan bha na ka bynta ka roi ka par bad ka kamai kajih jong ki nongshong shnong, hynrei lada ki kontraktor kiba pyntrei kim kheiñ snep kumne, kan ym don jingmut satia wat lada ki kam pynroi kin wan katno katno ruh.

Share post:

spot_img

Popular

More like this
Related

Pynbna u CM bala kem ia 2 ngut halor ka jingngat bih ki khynnah skul ha Karnataka

Shillong, Lber 18 : U Myntri Rangbah ka Jylla,...

Dawa ka HANM ban thung ia ki doktor Specialist ha ka District Hospital ka WKH

Shillong, Lber 18: Ka seng Hynñiewtrep Achik National Movement...

Second Meghalaya student dies in Karnataka food poisoning case

Shillong, March 18: A second student from Meghalaya has...

₹3 lakh ex-gratia for family of student who died in Karnataka food poisoning case

Shillong, March 18: Meghalaya Chief Minister Conrad K. Sangma...