Nongpoh, Risaw 01: Ka National People’s Party (NPP) Ri Bhoi District ha ka sngi Balang, kala pynkup burom ia u MLA ka Jirang Bah Sosthenes Sohtun hadien ka jingshah thung kum u Myntri ha ka Sorkar Meghalaya Democratic Alliance (MDA) ha ka jingbujli Kynhun Myntri dang shen da u Myntri Rangbah.
Ia kane ka jingpynkup burom la pynlong ha Parish Hall, Nongpoh ha ryngkat ka NPYF bad ka NPWF kiba wan na ki Block bapher bapher ka NPP ha Ri-Bhoi.
Ha kane ka sngi, la iadonlang u MLA ka Umsning Dr Celestine Lyngdoh, MLA ka Umroi Bah Damanbait Lamare, MLA ka Mawhati Bah Charles Marngar, MDC ka Nongpoh Kong Rona Khymdeit, President ka NPP Ri-Bhoi Bah Clement Mawlong bad kiwei kiwei.
Ka NPP Ri-Bhoi kala pynkup burom ryngkat ki jingai sngewbha bad ki jingkitbok kitrwiang ia u Bah Sosthenes ba un nang lah ban trei kham bha bad ban wanrah ia ka jingkylla ha ka Jylla khamtam ia ka Ri-bhoi District.
U Bah Sosthenes ula ioh bat haduh lai tylli ki tnad Sorkar ba kynthup ia ka Community & Rural Development (C&RD), General Administrative Department (GAD) bad ka Secretariat Administrative Department (SAD).
Haba ai jingkren, u Bah Sosthenes ula ai khublei ia ka NPP Ri-Bhoi kynthup ia ka NPYF bad NPWF bad baroh ki nongialam haba pynpaw ba ka jingshah jied jong u ha u Myntri Rangbah ban long kum u Myntri Sorkar ka dei namar ka jingkyrshan jong ki nongialam na Ri-Bhoi.
Ula ong ba kane ka shuki Myntri kam dei satia kaba thmu tang ia u marwei hynrei ka thew lang ia baroh ki 4 ngut ki MLA ka NPP na Ri-Bhoi, ba kan don ka jingiatreilang ha kaban kyntiew ia ka Ri-Bhoi bad ia ka Jylla baroh kawei.
 Ri Bhoi District ha ka sngi Balang, kala pynkup burom ia u MLA ka Jirang Bah Sosthenes Sohtun hadien ka jingshah thung kum u Myntri ha ka Sorkar Meghalaya Democratic Alliance (MDA) ha ka jingbujli Kynhun Myntri dang shen da u Myntri Rangbah.){kind=link}