Shillong Risaw 01: Ka Mizo Students’ Union (MSU) Shillong, ha ka sngi Baar, kala pynlong ia ka Freshers’ Social kaba 44 ha SosoTham Auditorium, Shillong, kum shi bynta ban pdiang sngewbha ia ki samla pule kiba dang wan pule thymmai.
Ka ka jingpynlong ia kane ka prokram ka long ban pdiang ia ki samla pule bad khamtam eh ha kaban don ka jingithuh ithaw, ka jingiajan bad ka jingiatylli hapdeng ki samla pule bad ha kane ka jingialang la wan ban iashimbynta da palat 1000 ngut ki samla pule.
Ia kane ka prokram la plie da u Symbud Myntri Rangbah ka jylla u Bah PrestoneTynsong kum u kongsan ha kaba la iadonlang u James K.P. Sangma u Chairman jongka Meghalaya Industrial Development Corporation kum u kongsan symbud, ha kaba la iadonlang u Chief Executive Member barim ka KHADC u Bah Pyniaid Syiem bad ki nongialam jong ka Mizo Students Union, Shillong.
Kum shi bynta jong kane ka prokram la pyllait paidbah ia ka kot ne Magazine kaba pynmih man la ka snem, ka jingpynkup burom ia ki samla pule kiba wan shakhmat ha ki jingpule.
Haba kren ha ka jingialang, u Bah Prestone Tynsong ula iaroh ia ka Mizoram kaba la kynjoh sha ka 100% ha ka pule puthi bad ula kyntu ia ki samla ba kidei ban bteng ban trei shitom ha ka jingpule ka jongki ha ryngkat bad ka burom ia ka jinglen lade ki kmie ki kpa jongki bad ba kin long kiba la pynkhreh bha ialade na ka bynta ka lawei kaba bha bad kaba don jingmut.
U James Sangma ula iaroh ia ka Union kaba la trei borbah ha kaban lum lang ia ki jaidbynriew bapher bapher hapoh ka thain shatei lammihngi bad ula iaroh ba ka jingpynlong ia kane ka jingialang ka long kum ka rynsan ban wanrah ia ka jingiatylli bad ban rakhe ia ka kolshor bad ia ka jingangnud.
Ki paidbah kiba la wan sha ka jingialang kila dap da ka jingsngewtynnad ban iohsngew ia ki jingrwai na ki sur bathiang jong ka Ruatpuii bad na ka kynhun tem ki samla pule bad ka Pensy ka nongrwai niam kaba la pawnam ha kylleng ki ri bad la pyniphuh iphieng ia kane ka jingialang da ki jingpynbyrngia ruh lyngba ki prokram kiba iadei bad ka kolshor tynrai.
 Shillong, ha ka sngi Baar, kala pynlong ia ka Freshers’ Social kaba 44 ha SosoTham Auditorium, Shillong, kum shi bynta ban pdiang sngewbha ia ki samla pule kiba dang wan pule thymmai.){kind=link}