Shillong, Nailur 25: Ka ophis District Medical and Health Office (DMHO) West Jaiñtia Hills ha ka sngi Palei ka la rakhe iaka 10th Ayurveda Day ha District Library Auditorium, Mynthong, Jowai, ha kalor ka phang pdeng “Ayurveda for People & Planet.”
Ha kane ka sngi la wan sakhi da u Myntri ka tnat ka koit ka khiah u Bah Wailadmiki Shylla haka jingdon lang u Deputy Commissioner ka West Jaintia Hills u Abhinav Kumar Singh, u District Medical and Health Officer u Dr P Shylla nalor kiwei kiwei de.
Haba kren ha kane ka sngi, u Bah Wailadmiki u la pynskhem ïa ka jingangnud jong ka Sorkar ban pyniar ïa ki jingtei jong ka Ayush ha Meghalaya.
U Bah Wailadmiki ula kdew ia ki projek kiba dang iaid shakhmat, kynthup ia ka Ayush Hospital ha Sohra, ki jaka sumar kiba thymmai ha Garo Hills, bad ka Ayush Hospital kaba dang shna mynta kaba don 30 jingthiah ha Mookyndur, West Jaintia Hills.
Da kaba pynksan ba ka rukom sumar Ayush kadei ka rukom kaba palat ïa ka jingsumar, u Myntri ula kyntu ïa ki doktor bad ki nongshim bynta ban shim ïa ki jingdon jingem ba riewspah jong ki jingthung dawai jong ka Meghalaya bad ban seng ïa ki jaka shna dawai bad ki jaka die dawai ha ka thaiñ.
U Deputy Commissioner haba kren haka jingialang u la pynpaw ïa ka jingpyrkhat jong ka Ayurveda halor ka jingïada bad ka jingkoit jingkhiah, da kaba pynksan ïa ka jingdonkam jong ki rukom leh kiba suk kum ka yoga, ka jingbam kaba biang, bad ki dawai tynrai na ka bynta ban pynroi ïa ka jingïatylli hapdeng ka met, ka jingmut jingpyrkhat, bad ka mariang.
Hashuwa kane u Dr Yoolang Sumer u la kdew ïa ka jingkiew ka jingithuh ïa ka Ayurveda hadien ka Covid, khamtam eh na ka bynta ki jingpang ba lah ban buh jingma iaka jingim briew hynrei u la pynpaw ïa ki jingeh kum ka jingbym don ki nongshna dawai ha la ka jong ka jaka.
Ha kane ka prokram la pynlong ruh ia ka jingiakop thoh essay, ha kaba la ai khusnam sha ki nongjop.
 West Jaiñtia Hills ha ka sngi Palei ka la rakhe iaka 10th Ayurveda Day ha District Library Auditorium, Mynthong, Jowai, ha kalor ka phang pdeng “Ayurveda for People & Planet.”){kind=link}