Shillong, Nailar 18: Ka Meghalaya Cycling Association (MCA) ka la pynlong ia ka selection trial kaba ar sngi ha ka 15–16 tarik Nailar ban jied ia ki nongniah cycle kiban mihkhmat ia ka Jylla sha ka National Games 2027, ka ban sa long ha Meghalaya.
U President ka MCA u Bah Lenin Bareh u la pyntip ba kane ka trial ka long ha ka thup Mountain Bike (MTB) ha kaba palat 50 ngut ki nongïalehkai na kylleng ka jylla ki la ïashim bynta.
U Bah Lenin ula ong ba ka trial kaba ar na ka bynta ka kyrdan Road Bike kan long ha ka 2 tarik Risaw naka bynta ki nongïalehkai kiba naduh 17 haduh 25 snem ka rta.
Ula ong ba ki nongiashim bynta kim dei ban wanrah la ki jong ki Bicycle namar ba ka MCA kan pynbiang ia ki. “Ngi kwah ban pynshlur ïa ki nongïalehkai na kiwei pat ki jingïalehkai namar ki lah ban don ïa ka sap ba tbit bha ha ka jingïalehkai niah bicycle” ula ong.
Haba jer ïa ka National Games ka ban wan kum ka “ka kabu kaba shisien ha ka jingim” u Bah Lenin u la kyntu ïa baroh ki nongïalehkai ba dei hok ha ka jylla ba kin ïashim bynta ha ki jingpyrshang ban shah jied niah Bicycle ban shah jied mihkhmat iaka Jylla haka National Games.
 ka la pynlong ia ka selection trial kaba ar sngi ha ka 15–16 tarik Nailar ban jied ia ki nongniah cycle kiban mihkhmat ia ka Jylla sha ka National Games 2027, ka ban sa long ha Meghalaya.){kind=link}