Shillong, Nailar 13 : Ka Sorkar Jylla kala pynkhlain bha ia ki kam pahara ha kylleng ki jaka ka Jylla ban pynthikna ia ka jingrakhe Independence Day (I-Day) kaba suk ba sain bad ba iaid beit iaid ryntih la 15 tarik Nailar.
U Symbud Myntri Rangbah ki kam Pohiing (Police) Bah Prestone Tynsong ha ka sngi Balang, ula lum ia ka jingialang bad ki khlieh jong ki District ban shongbishar ia ki jinglong jingman ka suk ka sain bad ka jingkhmih bniah ia ki lad pahara.
“Nga la shong bishar kam halor ka kam pahara na ka bynta ka jingrakhe I-Day ban wan bad baroh ki Deputy Commissoner (DC) bad ki Superintendent of Police (SP) kulai ia ngi ba ka jingrakhe kan long kaba suk bas ain bad ka ba lait na kino kino ki jingjia” ong u bah Prestone haba iakren bad ki nongthoh khubor.
Watla ka don ka jingkam ia ka jingduna ki nongwan iashimbynta ha ki snem bala leit noh, u Bah Prestone ula aidaw ia ka jingduna namar ka jingther u slap bad ong ruh ba ka jingwan poi ki briew ka long kaba ihun ha ki snem bala leit.
“Ka long kaba bakla lada phi ong ba ha kine ki arsnem, ki briew kim shym la mih ban iashimbynta ha ka jingrakhe. Lait noh haba jur slap, ka dei da kawei pat ka kam” ula ong haba pynpaw ia ka jingsngewskhem ba ki paidbah kin mih bun bha sha ka jingrakhe I-Day mynta u snem ruh kumjuh.
 kaba suk ba sain bad ba iaid beit iaid ryntih la 15 tarik Nailar.){kind=link}