Shillong, Nailar 13 : U Symbud Myntri Rangbah ba khmih ia ki kam Pohiing (Police) Bah Prestone Tynsong ha ka sngi Balang ula iathuh ba ka Sorkar ka dang ap ia ka kaiphod jingtohkit halor ka jingkynnoh jah rngai u dewiong ba 4000 metric ton bad kan sa file ia ka affidavit sha ka Iingkashari Meghalaya High Court mar syn ioh ia ka kaiphod.
“Ngin dang ban ioh pdiang ia ka kaiphod. Phi iohi, ngi hap ban jubab sha ka Iingkashari. Shen ngin sa ioh ia ka bad halor ki jingshem jong ka kaiphod ka ban ioh pdiang na ki District, ngin sa file ia ka affidavit sha ka Iingkashari Meghalaya High Court” ong u Bah Prestone haba iakren bad ki nongthoh khubor.
U Bah Prestone ula ban jur ruh ba ka ain kan iaid hala ka jong ka lynti pyrshah ia kino kino ki kam ba long be-ain kynthup ka kam tih dewiong.
Naba u khlem pat ioh pdiang ia kano kano ka jingtip halor ka jingtih dewiong beain,u Bah Prestone ula ong ba ka ain ka don ban khmih bad leh eiei halor kine ki kam.
“Ia mynta, ngam pat iohsngew eiei ruh em halor ka jingtih dewiong beain. Hynrei kam pher la ngi iohsngew ne ngim ioh sngew, ka ain ka don ban khmih ia kine ki kam beain” ula ong.
U ong ba ka Sorkar kala shimkhia bha naduh u snem 2014 (hadien ba khang tih dewiong ka NGT), bad ki Pulit lem bad ki bor District kila kitkhia ban khanglad ia ka jingtih dewiong beain hala ki jong ki District.
“Ka jingbthah na ka Sorkar ka la shai bha ba phi hap ban trei shitom shisha ban pynthikna ba ki kam beain kin ym jia ha ki District jong ki” ula ong.
 Bah Prestone Tynsong ha ka sngi Balang ula iathuh ba ka Sorkar ka dang ap ia ka kaiphod jingtohkit halor ka jingkynnoh jah rngai u dewiong ba 4000 metric ton bad kan sa file ia ka affidavit sha ka Iingkashari Meghalaya High Court mar syn ioh ia ka kaiphod.){kind=link}