Shillong, Jymmang 02 : U Myntri ki kam jngohkai Bah Paul Lyngdoh ha ka sngi Thohdieng ula pyntip ba ka jingpyntrei ia ki Vending Zone kala dep lut mynta na ka bynta ban ai dukan ia palat 200 ngut ki nongshong dukan madan.
Haba iakren bad ki nongthoh khubor, u Bah Paul Ula ong “Ka jingpynithuh ia ki nongshong dukan madan ruh kala deo. Ngi iaphaikhmat sha kumba 200 ngut ki nongshong dukan madan ban pynkynriah sha kane ka Veding Zone”.
Hynrei ula ong pat ba naba kane ka kam ka hap hapoh ka jingkhmih ka Tnad Urban Affairs, u Symbud Myntri Rangbah u lah ban ai ia ka por kaba shai lano ban pynkynriah.
“Nga la iakren ia kane ka kam bad ki Ophisar ka Assembly ha u bnai bala dep bad ngi dei ban iohi nyngkong eh bad ka Khyndailad ban pynlong kum ka jaka iaid kjat ki paidbah. Ia kane ka kam ruh yn sa pyndep noh hynrei ia ka por hi lah ban ai jingtip da u Symbud Myntri Rangbah” ong u Myntri.
