Shillong, Lber 28: Ka Khasi Hills Autonomous District Council (KHADC) haduh mynta ka la ioh T.12,15,00,000 na ka 24,30,00,000 kaba la mang kyrpang hapoh ka Untied Grant da ka 15th Finance Commission ka Sorkar Pdeng na ka bynta u snem 2021-2022.
Ïa kane la pyntip da u Executive Member (EM) ba khmih iaka tnat IT, Land & Development Bah Powell Sohkhlet haba jubab hapoh dorbar mang tyngka jong ka KHADC.
“Ïa ka pisa na ka bynta ka Untied Grant la pyllait ha ka 11 tarik u bnai Nohprah 2024” ong u Bah Powell.
Haba iadei bad ka Tied grant, u Bah Powell u la ïathuh ba T.18,22,50,000 na ka T.36,45,00,000 ba la mang la pyllait ha ka 9 tarik Nohprah 2022.
Ha u snem 2020-2021, ka pisa kaba T.40,95,00,000 la pyllait hapoh ka Untied grant ha ki ar tylli ki instalment kata ha ka 10 tarik u Kyllalyngkot 2020 bad ka 10 tarik u Lber 2022 bad la pyllait ruh T.40,95,00,000 hapoh ka Tied grant ha ka 9 tarik Naitung 2021 bad 16 tarik Jymmang 2022.
 haduh mynta ka la ioh T.12,15,00,000 na ka 24,30,00,000 kaba la mang kyrpang hapoh ka Untied Grant da ka 15th Finance Commission ka Sorkar Pdeng na ka bynta u snem 2021-2022.){kind=link}