Shillong, March 28: Ka North-Eastern Hill University Teachers’ Association (NEHUTA) kala dawa ia ka Prof S.M Sungoh bad Fameline K Marak ba kin iehnoh ia ka kam kum ki Pro Vice-Chancellor ka NEHU, Shillong bad Tura Campus.
Kane ka synjuk ki Nonghikai kala kam ba ka jingthungkam ia ki ka long kaba be-ain bad kaba long pyrshah ia ka ain jong ka NEHU bad ki kyndon ka Sorkar.
Ha ka shithi bala phah sha baroh ar ngut ki Pro VC ha ka sngi Thohdieng, ka NEHUTA ka la ong ba ka la kyntait mardor ïa kane ka jingthung kam ia ki ha u bnai Nohprah 2024 ba la leh da u Prof PS Shukla, Vice Chancellor ka NEHU, namar ka jingkynnoh ba la pynkheiñ ïa ki rukom treikam kumba la buh hapoh ka NEHU Statute 3 bad ka rai jong ka Executive Council, kaba la iakren ia ka jingthungkam ia ki Pro VC, ka bym shym la don satia ia ka quorum.
Kala ong ruh ba u Prof Shukla bad Registrar Col. Omkar Singh (Retd) ki dang don ha shuti ha ka por ba thungkam ia ki, bad pynskhem ba ki kam ba la leh da kine ki Heh Ophisar ha ka por ba kim don ha ka Ophis treikam jong ka NEHU, ki long ki bym don nongrim kumba la pynban da u Acting Vice-Chancellor barim Prof N. Saha.
“Ka NEHUTA ka la kyntait mardor ïa kine ki jingthungkam bala leh ha u bnai Nohprah 2024 bad naduh katei ka por ym shym la don kano kano ka jingkylla bad ngi kyntait mardor ïa ka mynta ruh kumjuh,” ong u president ka NEHUTA Prof. Lakhon Kma ha ka shithi.
Ka Association kala kdew ba u Prof. Shukla u la jah na ka Shillong Campud naduh ka 15 tarik u Nohprah, 2024, bad u dang jah haduh mynta, kaba long haduh 133 sngi lynter. Kala ong ruh ba ka Ministry of Education ka Sorkar India kam pat pynmih paidbah satia ïa ka kaiphod jong ka Inquiry Committee halor ka jingleh jong u Prof. Shula bad kumta um pat lait satia na ki jingkynnoh kiba jur pyrshah ia u.
“Kaba kham sngewkhia ka long ba katba baroh ki kynhun ki la pyrshah ïa ka jingbteng jong u Shukla ha ka kam VC, bad kumjuh ruh u MP ka Meghalaya u Dr. Ricky AJ Syngkon ula kren ia ka kam ban weng ia u VC hapoh Parliament, phi la kyrshan ia u Shukla bad pynshong ain ia ki kam beain jong u, pynkhein ia ka NEHU Act & Statutes, ka Rule ka Sorkar India bad ka jinglong pyrshah riewlum bad pyrshah ia ki nong Meghalaya kaba ula pyni ha ka por jong u” ong u Prof Kma.
Ka NEHUTA ka la kdew shuh shuh ba ka kyndon jong ka Ministry of Education kala pyrrkhing ban thung ïa ki briew shimet ha ki kam ba la buh da ka aiñ hapoh lai bnai hadien ba ki la shongthait, ka rule kaba ki kam ba la treikam ia ka Prof Sungoh, k aba die ban shongthait noh ha ka 31 tarik Jymmang 2025.
Halor kine kiei kiei, ka NEHUTA ka kyntu ia ka Prof Sungoh bad Marak ba kin iehnoh mardor n aka shuki Proc VC bad ong ba ka Association kan sa shim rai ia ki sienjam ban pynbud kaba shong kat kum ka kam ba ki leh.
 kala dawa ia ka Prof S.M Sungoh bad Fameline K Marak ba kin iehnoh ia ka kam kum ki Pro Vice-Chancellor ka NEHU, Shillong bad Tura Campus.){kind=link}