Shillong, Lber 28 : Ka Khasi Hills Autonomous District Council (KHADC) ha ka sngi Thohdieng, kala thaw thymmai biang ia ka Select Committee ban shong bishar ia ka bill ai pateng ia ki nongkynti bala tip kum ka Khasi Hills Autonomous District (Khasi Inheritance of Property) Bill, 2021.
Ia kane ka Select Committee la khlieh da u Chief Executive Member (CEM) Bah Shemborlang Rynjah kum u Chairman bad u Secretary ka Legislative Wing kum u Member Secretary.
Kiwei ki dkhot ka Committee ki kynthup ia ka kong Deity Majaw, Denzil R Chen bad Grace Mary Kharpuri.
Shuwa kane, haba wanrah ia ka kaiphod halor kane ka kam, u Bah Shembor ula ong b aka KHAD (Khasi Inheritance of Property) Bill, 2021 ka dei kaba la phah sha ka Select Committee ban bishar bad ai jingmynjur ia ka KHAD (Khasi Inheritance of Property) Bill, 2021 kaba la thaw ha ka 3 tarik Naitung 2023 da u CEM barim Bah Pyniaid Sing Syiem kum u Chairman bad kiwei kiwei ki dkhot.
Hynrei, ka samoi jong ka Select Committee kala kut noh khlem da aiti ia ka kaiphod bad ka Executive Committee ka ai jingmut ia ka Iing ban thung thymmai ia ki dkhot ba thymmai jong ka Select Committee.
Kumta la wanrah ia kane ban ioh ia ka jingmynjur jong ka Iing, ula bynrap.
 ha ka sngi Thohdieng, kala thaw thymmai biang ia ka Select Committee ban shong bishar ia ka bill ai pateng ia ki nongkynti bala tip kum ka Khasi Hills Autonomous District (Khasi Inheritance of Property) Bill, 2021.){kind=link}