Tura, Lber 25 : Ka ding kaba klang bha kala bam duh ia ka iingsah jong u MDC barim Fersen Ch Momin kaba don ha Hawakhana hynne ka shiteng sngi jong ka sngi Ba-ar.
Kane ka Iing ka dei ka iingsah jong u Myntri Rangbah ba nyngkong eh ka Jylla (L) Williamson A Sangma, kaba la kem ding kynsan kynsan bad pynkyndit ia ka shnong ka thaw baroh kawei.
Ki kali pynlip ding kila her wut wut sha kane ka jaka ban tem ia ka ding. Ia ka daw jong kane ka jingpluh ym pat lah satia ban tip bad ki bor khmih ki dang lum ia ki jingtip halor ki jingjulor baroh.
Ki briew ba iohi ia kane ka jingjia kila pyntip ba ki thyllieh ding kila pur sted bha, kaba buh jingma ia ki jingtei kiba don marjan bad kane ka iing.
Lah khmih lynti ba ki borkhmih kin sa pynlong ia ka jingtohkit halor kane ka jingpluh.
