Guwahati, Lber 19: Ka ïingbishar ka Tezpur, ha ka sngi Ba-ar, ka la kyntait ïa ka jingpan jamin u Chancellor ka University of Science and Technology Meghalaya (USTM), Mahbubul Hoque, uba la shah kem ha kaba ïadei bad ka mukotduma ba la register ha Dhekiajuli police station.
Ia u Hoque u la shah kem biang ha ka 12 tarik mynta u bnai Lber ha ki pulit ka Dhekiajuli hadien ba ka Gauhati High Court ka la ai jamin ia u ha kawei pat ka mukotduma (Case No. 55/2025) kaba la register ha Patharkandi police station ha Sribhumi district. La pynngat ia u ha ki kyndon ain 111(4)/318(4)/316(5)/336(3) jong ka Bharatiya Nyaya Sanhita (BNS), ryngkat bad ka kyndon 11(1) jong ka ain public examination (Prevention of Unfair Means) Act, 2024.
Kham ha shwa, ha ka 12 tarik u bnai Lber ka Gauhati High Court ym tang ba kala ai jamin ia u ha ka mukotduma Patharkandi hynrei ka la khanglad ruh ia ki pulit ban kem ia u ha ki lai tylli kiwei pat ki mukotduma kiba la mudui ha Gossaigaon, Kokrajhar, bad Barpeta.
Ia u Hoque la kem nyngkong eh ha ka 22 tarik u bnai Rymphang hadien ka jingshah kynnoh na ki 274 ngut ki khynnah skul kiba la wan ïaleh ïa ka eksamin Physics jong ka CBSE Class 12 ha Central Public School, Patharkandi—ka skul ba la pynïaid da ka ERD Foundation, ha kaba u dei u chairman. Ka High Court ka la ai jamin ia u ha ka mukotduma kaba nyngkong ha ka 3 tarik u Lber.
Ka jingïakynad ka mih na ka “Vision 50 Programme” jong ka USTM, ha kaba la kynnoh ba 214 ngut ki khynnah skul, kiba bun ki dei na shabar jong ka thaiñ, ki la shah pynrung kyrteng ha ka Central Public School khlem da leit klas hangtei. Ha ka jaka kata, la iathuh ba ki la ioh ia ka jinghikai ha ka jaka pule jong ka USTM ha Guwahati. Ki jingkynnoh ki la mih ba la kular ïa ki samla pule ban ai jingïarap ha ka por ba leh ïa ka eksamin, hynrei ha ka sngi ba leh ïa ka eksamin, ki la shah iehnoh beiñ, kaba la wanrah ïa ka jingkulmar bad jingujor.
Ha ryngkat bad u Hoque, ki san ngut kiba la shah kem lang ha kane ka juh ka case ki kynthup ia ka Hiramani Saikia, u Bijoy Dutta, u Rezzak Ali, u Numaan Ahmed bad u Imdadur Rahman.
, Mahbubul Hoque, uba la shah kem ha kaba ïadei bad ka mukotduma ba la register ha Dhekiajuli police station.){kind=link}