Guwahati, Lber 11: Ki pulit ka Lahowal, ki la kem ia 7 ngut kiba shah kynnoh donkti ban pynshitom bein ia kawei ka longkmie Adivasi, kaba 62 snem ka rta, ha ka 10 tarik mynta u bnai.
Ka longkmie Adivasi kala shah pynshitom beain hadien ba ki nong shong shnong Romai kaab dei ka jaka rep sla sha jong ka Dibrugarh District kila kynnoh ba kadei ka nongai ksuid.
Ki 7 ngut kiba shah kem ki kynthup, Suraj Sanga (31 snem), Binod Sanga (60 snem), Jumuna Sanga (30 snem), Surajmoni Sanga (30 snem), Sangita Sanga (30 snem), Alisha Sanga (30 snem) bad Fulmoni Sanga (29 snem).
Ka case no 41/25 U/s 4/7/109/117(2)/189(2)/ 191(2)329 (3)61(2) jong ka BNS ba la Register ha Lahowal Police Station pyrshah iaki 7 ngut kiba shah kem.
“U ba ïalam ban pynshitom beain iaka longkmie Adivasi u dei u Binod Sanga, uba dei u tantric, bad uba donkti ban kynshot baka longkmie kadei nong ai ksuid. Ngi la kem ia 7 ngut ki briew bad ka jingtohkit ka dang iaid shakhmat” la ong uwei u heh pulit.
Ha ka sngi Nyngkong, kawei ka longimie Adivasi, kaba 62 snem ka rta, ka la shah kynthoh kum ka nongleh jadu, nong ai ksuid, ha ki nong shong shnong bad ki la pynshitom bein ia ka bad ki la bret ia ka hajan kawei ka wah ha Romai ha Dibrugarh.
Katei ka jingjia ka la jia ha 1 No. Rajgarh kaba don ha Romai Tea Sstate kaba hap hapoh jong ka Lahowal Police Station Dibrugarh.
Ïa ka lanot la tip kyrteng daka Monika Sanga, kaba shong basah ha 1 No. Rajgarh kaba don ha Romai Tea Estate Dibrugarh.
Ka kynhun jong ki pulit ki la lap ïa kane la longkmie kaba la thiah hajan ka wah bad kila pynkit noh iaka sha Assam Medical College and Hospital (AMCH) ban ioh jingsumar.
“Ka kynhun kaba don 25 ngut ki briew ki la pynshitom beiñ ïa ka kurim jong nga (Monika Sanga) hadien ba ki la suba ba ka dei ka ‘nongleh jadu’, nong ai ksuid. Kynsan kawei ka kynhun ki briew ki la phone ïa nga bad ki la ïathuh ba ka kurim jong nga ka leh jadu bad namar ka jingleh jong ka, ki briew ki ioh pang. Nga la pyrshah ïa kane ka jingshha kynnoh ka kurim jong nga hynrei kila rung jubor shapoh ka iing bad kila tan bad kila pynshitom beiñ ïa ka bad kila bret ïa ka hajan kawei ka wah” la ong u kurim ka lanot.
Ka Assam Tea Tribes Students’ Association (ATTSA) ka la pynrem jur ia kane ka jingjia bad ka la kyntu ruh ia ka bor synshar ba kan leh da kaba tyngeh ia ki nongpynshitom beain iaka longkmie.
“Ka bor synshar district ka dei ban tehlakam tyngeh ia ka jingngeit biej bad kum kine ki rukom leh bymman. Ngi la kyrpad ia baroh ba kim dei ban ngeit ia ki rukom ngeit biej,” la ong uwei u nongialam ka ATTSA.
