Shillong, Lber 08: Ka University of Science and Technology Meghalaya (USTM) hynne ka sngi Saitjain, kala pynlong ia ka jingrakhe ia ka International Women’s Day da kaba pynlong ia ki prokram bapher ban ai burom bad ban pynkup bor ia ki kynthei.
Ka Centre for Gender Studies bad ka Department of Economics kila rakhe ia ka Women’s Day da kaba pynlong ia ka jingialang halor ka phang“Self-care Matters: Prioritizing Women’s Health & Financial Literacy,” da kaba phaikhmat ha kaban kyntiew ia ka jinglong jingman bad ia ka ioh ka kot jong ki kynthei.
Katba ka Department of Social Work kala pynlong ia ka jingialang halor ka phang “Celebrating Her Rights: Empowerment of Women in India” bad ia kane la pyniaid da ka Kong Felicita Majaw, ka dkhot barim jongka Meghalaya State Women Commission bad ka nonghikai barim jong ka Nongstoin College, kaba la sam ia ki jingtip kiba kongsan ha kaba iadei bad ka hok jong ki kynthei bad ka jingpynkup bor ia ki hapoh ka ri India.
Na ka liang ka Department of Computer Science kala pynlong ia ka prokram halor ka mat“Celebrating the Strength and Stories of Women: Honoring a Lifetime of Wisdom and Experience” bad ia kane la pynlong ha Sampriti Hewa Foundation, Bhetapara, Guwahati.
Katba ka Department of Physiotherapy kala pynlong ia ka Free Physiotherapy Camp kaba dei thik tang na ka bynta ki kynthei bad ka Department of Commerce pat kala pynong ia ka prokram halor ka phang “Women’s Health and Hygiene” ha Assisi School, Noksikgittim, Ri Bhoi, ha kaba ki khynah kynthei kila ioh ia ka jingbatai bad la sam ruh ia ki sanitary pad.
Ki dkhot jong ka USTM kila pynkup burom ruh ia ka Sister Alphonsa, Head Teacher jong ka Assisi School bad la pynlong ia ka jingialang ha kaba ka Dr. Trishna Sharma ka Assistant Professor jongka Department of Prasuti Tantra bad Stree Roga, IA Ayurvedic Medical College kila ai jingbatai kyrpang ha kaba iadei bad ka koit ka khiah jong ki kynthei.
Ki dkhot ka USTM ryngkat bad ka University School of Law and Research (USLR) kila pynlong ia ka prokram ha Tamulikuchi, 13 Mile, ban pynsngewthuh ia ki nongshong shnong ia ka hok ka jongki khamtam ha kaban ujor ia ki ejahar, katba ka Department of Earth Science bad ka Department of Sociology ruh kila pynlong ia ka jingrakhe ia ka Women’s Day.
 hynne ka sngi Saitjain, kala pynlong ia ka jingrakhe ia ka International Women’s Day da kaba pynlong ia ki prokram bapher ban ai burom bad ban pynkup bor ia ki kynthei.){kind=link}