Shillong, Lber 05 : U Myntri Rangbah ka Jylla Conrad K Sangma ha ka sngi Balang ula kular ban sa iakren bad ka Sorkar Pdeng ban pynpoi ia ka lynti rel haduh ha Baghmara, South Garo Hills.
“Hooid ngan sa phah ia ka shithi bad ka jingkyrpad sha ka Ministry bad ngin sa iakren bad u Myntri uba don ka jingiadei ba iajan bad nga. Ngan sa iakren ia u bad ngin sa iapeit pat….” Ong u Conrad haba iakren bad ki nongthoh khubor haba kren halor ka dorkhas bala aiti da ki 3 ngut ki MLA na ka District.
U Conrad ula ong ba ka Sorkar kan sa iakren nyngkong eh ia ki paidbah hashuwa ban shim ia ka rai halor kane ka kam.
“Ngi la kren shai bha ba ngin iakren shuwa ia ki paralok, ngin sa peit kumno ki paidbah ki sngew bad kaei ka jingpyr khat jong ki iakane ka jingthmu bad lada ngi ioh ia ka jingmynjur lang u paidbah, ngan sa shimkhia ban gin lah ban wanrah ia ki jingtei ym tang ka jingkynshew kaba heh ia ka thain hynrei kan dei ruh ka jingkyntiew ia ka ioh ka kot jong ka thain khamtam ki nongrep bad ki nongtrei kam lajong” ula ong.
