Shillong, Lber 05 : Ka Iingkashari Special Judge (POCSO) ka East Khasi Hills, kala hukum ban set phatok haduh 25 snem ia u nongleh beijot khynnah hapoh ka shnong Diengpasoh ha u snem 2020.
Une u riew bymman u kyrteng u Shanlang Nongrum uba la shah pynngat hapoh ka kyndon 5(k)(i)(n)/6 jong ka POCSO Act pule lang bad ka kyndon 506 ( Special POCSO Case).
Ka Iingkashari ha ka 3 tarik Lber, kala pynmih hukum ban set phatok ia une u briew haduh 25 snem kat kum ka kyndon 6 jong ka POCSO Act nalor ka kuna ba T.50,000 bad lada ym lah siew yn hap shong phatok sa 6 bnai.
Halor ka kyndon 502 IPC, la hukum ban set phatok haduh 7 snem.
Ia kane ka case la tohkit da ka WPSI L Kharjana kaba don ha Lumdiengjri Police Station.
