Shillong, Lber 05 : U Symbud Myntri Rangbah ba khmih ia ka kam Pohiing (Police) Bah Prestone Tynsong ha ka sngi Balang ula kular ba ka jingtei ia ka Ophis ka Emergency & Fire Service Station ha Mawryngkneng kan sa sdang noh shen.
“Ka Deputy Commissioner kala dep aiti ia ka jaka ba 22000 sq ft sha ka Tnad Pulit bad shen ka jingpyntrei ia ka jingtei kan sa sdang noh. Hadien ba dep ia ka, ia ka Fire Service Station yn sa pyntreikam noh” ong u Bah Prestone haba jubab hapoh ka Iingdorbar.
Ula pyntip b aka Engineering Wing jong ka Tnad Home Police kan sa pynkhreh ia ka Detailed Project Report (DPR) ia kane ka kam.
“Hadien ba dep pynkhreh ia ka DPR, ngin sa tynruh ban ioh ia ka mang pisa bad hadien ka kam kan sa sdang noh” kular u Bah Prestone.
U Nongialam ka Liang Pyrshah Mukul Sangma haba wanrah ia ka jingkylli bynrap uula pan jingtip la ka jingbuh ia ka fire staton ha ki jaka bapher bapher ka dei kaba la shim hakhmat eh da ka Sorkar haba khmih ia ki jingpluh khlaw ha ka Jylla ia kaba u Bah Prestone ula jubab ba ka Sorkar kala shim khia ia kane.
 Bah Prestone Tynsong ha ka sngi Balang ula kular ba ka jingtei ia ka Ophis ka Emergency & Fire Service Station ha Mawryngkneng kan sa sdang noh shen.){kind=link}