Shillong, Rymphang 24: Ka jingpynkhreh ban niew ia ka vote jong ka elekshon MDC sha ka Khasi Hills Autonomous District Council (KHADC) bad ka Jaintia Hills Autonomous District Council (JHADC) kala iaid bha shakhmat bad la pynjur ruh ia ka jingpahara ban pynthikna ba ka jingniew vote kan long kaba iaid beit iaid ryntih.
Kila don 272 ngut ki kyrtong kaba kynthup ia ki 158 ngut ki kyrtong bad 12 ngut ki kyrtong Kynthei kiba iakhun na ki 29 tylli ki constituency jong ka KHADC bad kila don ruh 114 ngut ki kyrtong kaba kynthup lang ia ki 7 ngut ki kyrtong kynthei kiba iakhun na ki 29 tylli ki constituency jong ka JHADC bad ia kaei kaba u paidbah ula rai yn tip ha ka jingniew vote ha kylleng ki jaka niew vote jong ka rilum Khasi bad Jaintia.
“Kiba bun ki jingpynkhreh ngi lah dep ban pynkhreh bad ban pynbiang na ka bynta ka jingniew vote ha ka sngi Nyngkong” ong u Commissioner & Secretary uba khmih ia ka Tnad District Council Affairs (DCA) u Bah Cyril Diengdoh.
Ka Tnad District Council Affairs kala pynkhreh ia 3 tylli ki jaka niew vote na ka bynta ka JHADC.
Na ka bynta ki 3 tylli ki consituenc y kaba kynthup ia ka War East, War Central bad War West hapoh jong ka Amlarem Civil Sub Division, ia ka jingniew vote yn pynlong ha ka ophis treikam jong u SDO ka Amlarem, Na ka bynta ki 16 tylli ki constituency kiba kynthup ia ka Amwi-Khliehtyrshi, Mukhla-Ummulong, Moodymmai-Nongkhroh, Nartiang-Wahiajer, Moodop-Umladang, Mynso-Nongjngi, Mynsngat-Khanduli, Shilliang-Myntang, Barato-Mukroh, Saphai-Sahsniang, Mowkaiaw, Raliang, Shangpung, Nangbah-Mihmyntdu, Jowai North bad Jowai South ka jingniew vote kan long ha ophis jongu Deputy Commissioner ka West Jaintia Hills bad na ka bynta ki 10 tylli ki constitutency kiba kynthup ia ka Muthlong-Sohkymphor, Tuber-Wapungshnong, Musniang-Rangad, Rymbai-Khliehriat, Sutnga-Nongkhlieh, Sutnga-Narwan, Sutnga-Nongkhlieh, Sumer, Saipung-Nongkhlieh, Narpuh bad Bataw-Lakadong ia ka jingniew vote yn pynlong ha ka ophis treikam jongu Deputy Commissioner ka East Jaintia Hills.
Ka DCA kala pynkhreh 7 tylli ki jaka niew vote naka bynta ka elekshon jongka KHADC.
Na ka bynta ki 5 tylli ki Constituency jong ka Ri-Bhoi district, ia ka jingniew vote yn pynlong ha NSCA Indoor Stadium ha Nongpoh.
Na ka bynta ki 13 tylli ki constituency kiba kynthup ia ka Sohryngkham, Mawkynrew, Nongkrem, Mawsynram, Mylliem, Laban-Mawprem, Nongthymmai, Laitumkhrah-Malki, Mawkhar-Pynthorumkhrah, Jaiaw, Mawlai, Mawphlang-Diengiei bad Nongspung-Sohiong, ka jingniew vote kan long ha Inter State Bus Terminus, Mawiong.
Na ka bynta ka Lyngkyrdem-Laitkroh bad Nongskhen constituency ka jingniew vote kan long ha ka ophis jongu Sub-Divisional Officer, Pynursla.
Na ka bynta ka Sohra bad Shella constituency, ka jingniew vote kan long ha ka ophis jongu Sub-Divisional Officer ka Sohra.
Na ka bynta ka Mairang-Nongkhlaw bad Pariong-Mawthadraishan kiba don ha Eastern West Khasi Hills, ka jingniew vote kan long ha ka ophis treikam jongu Deputy Commissioner ha Mairang.
Na ka bynta ki 2 tylli ki constituency ha South West Khasi Hills kaba kynthup ia ka Mawkyrwat bad Langrin ka jingniew vote kan long ha ka ophis treikam u Deputy Commissioner ha Mawkyrwat bad na ka bynta ki 3 tylli ki Constituency ka West Khasi Hills district kiba kynthup ia ka Nongstoin, Rambrai-Jyrngam bad Mawshynrut ka jingniew vote kan long ha ophis treikam u Deputy Commissioner ha Nongstoin.
Ki nongialam na jana baroh ki seng sain pyrthei kiba kynthup na ka NPP, UDP, Congress, VPP, HSPDP, KHNAM bad BJP kiba iakhun ia ka elekshon kila pynpaw ba k idon ia ka jingkyrmen kaba skhem ba kin ioh ban ialam iaka Executive Committee ha kitei ki ar tylli ki District Council.
Kitei ki ar tylli ki District Council ki don ia 13 lak ngut ki nongthep vote bad ka jingpoi thep vote ki paidbah ha elekshon jongka JHADC ka long 85.58 percent bad 76.77 percent kiba la thep vote ha ka elekshon sha ka KHADC kaba la long ha ka 21 tarik u Rymphang.
