Shillong, Rymphang 18: U Commissioner Secretary ka tnat District Council Affair (DCA) u la pynbna iaki jaka niew Vote (Counting Centres) na ka bynta ka elekshon sha ka Ïingdorbar ka Khasi Hills Autonomous District Council (KHADC), ban long ha ka 24 tarik Rymphang naduh ka por 8.00 baje mynstep.
Ha Ri-bhoi District ka jaka niew Vote naka bynta ka Jirang, Nongpoh, Mawhati, Umsning bad Umroi constituency kan long ha NSCA Indoor Stadium, Nongpoh.
Ka jing niew Vote ka bynta ka Sohryngkham, Mawkynrew, Nongkrem, Mawsynram, Mylliem, Laban-Mawprem, Nongthymmai, Laitumkhrah-Malki, Mawkhar-Pynthorumkhrah, Jaiaw, Mawlai, Mawphlang-Diengiei bad Nongspung-Sohiong constituency kan long ha ISBT Mawiong Shillong.
Na ka bynta ka thain Lyngkyrdem-Laitkroh, Nongskhen bad Shella constituency yn niew Vote ha Sub-Divisional Officer (Civil), Pynursla Civil Sub-Division, Pynursla. Na ka bynta ka Shella bad Sohra constituency ka jingniew Votes kan long ha New Conference Hall, O/o Sub-Divisional Officer (Civil), Sohra Sub-Division.
Ha Eastern West Khasi Hills, ka jingniew Vote ia ka Mairang-Nongkhlaw bad ka Pariong-Mawthadraishan constituency kan long ha Multipurpose Hall, O/o u Deputy Commissioner, Mairang.
Ha South West Khasi Hills, ka jingniew Vote ia ka Mawkyrwat bad Langrin constituency kan long ha O/o ka Deputy Commissioner Mawkyrwat bad ha West Khasi Hills ka jingniew vote ia ka Nongstoin, Rambrai-Jyrngam bad Mawshynrut constiteyncy kan long ha O/o the Deputy Commissioner Nongstoin.
 u la pynbna iaki jaka niew Vote (Counting Centres) na ka bynta ka elekshon sha ka Ïingdorbar ka Khasi Hills Autonomous District Council (KHADC), ban long ha ka 24 tarik Rymphang naduh ka por 8.00 baje mynstep.){kind=link}