Nongpoh, Rymphang 18: Ka Myntri ka Sorkar Pdeng ka tnad Consumer Affairs, Food & Public Distribution, ka Nimuben J Bambhaniya, hynne ka sngi Ba-ar, kala leit jngoh ia ki skhim PMAY bad ki project bapher bapher ka Sorkar Pdeng kiba pyntrei ha ki shnong ka Ri-Bhoi District, kaba dei ka Aspirational District ka Jylla.
Ka Myntri ha ryngkat ka jingsynran u Deputy Commissioner bad ki BDO, kala leit ban jngoh ia ki Iingbaduk bala pyntrei na ka skhim PMAY ha shnong Erpakon bad ioh ruh ban iakren markhmat bad ki trai kiba iohpdiang ia kane ka skhim.
Kane ka Myntri kala leit ruh ban khmih ia ki project kynthup ia ka Laybye Market ha ka shnong Dulongnar, ka karkhana sohtrun ha Umdihar, ka skhim MGNREGA bad ka skhim JJM ha shnong Quinine.
Ki Nongialam shnong ka Erpakon ba kynthup ia u Rangbah Shnong Bah Micheal Thongni bad Secretary Shnong Lambor Kharshilot, kila pynpaw ia ka jingkmen ia ka jingwan iuhkjat ka Myntri hapoh ka Shnong bad ong ba kane kala nang ai mynsiem ba ka shnong kan pyntrei hok ia ki skhim bapher bapher kiba wan na ka Sorkar pdeng.
Kila ai khublei ruh ia u Deputy Commissioner bad u BDO ka Umling C&RD Block Bah Eric Dkhar bad ki nongtrei ka Block kiba ju don bynta lang ban kyntiew ia ka shnong da kaba pyntreikam ia ki skhim bapher bapher lyngba ka Block.
