Shillong, Rymphang 06: Ha ka 5 tarik mynta u bnai ka kynhun shipai BSF 172 Meghalaya, kala pynlong iaka Friendly Football Tournament ha Borsara Playground East Jaintia Hills district.
Ïa kane ka Tournament la pynlong kum shi bynta ban pyntikna ïa ka bha ka miat jong ki paidbah kiba sah ha khappud Indo-Bangladesh bad kumjuh ka jingiajan hapdeng ki shipai bad ki nong shong shnong.
Ha kane ka prokram ki shipai BSF ki la sam ïa ki tiar ki tar kynthup ki tiar ïalehkai sha ki nongshong shnong kiba don ha khappud kum ka shnong Kuliang, Borsara, Laijouri, Baskona, Huroi, bad Hangaria.
Kine ki tiar ki kynthup ki Sintex, footballs, volleyballs, skipping ropes, cricket kits, nets, inverters, batteries, sports shoes, solar street lights kiba shongdor palat T.3.5 lak bad ïa kine la sam sha ki khynnah skul jong ki skul bapher bapher kiba don ha ki jaka khappud.
Ha kane ka program 300 ngut ki trai shnong trai shnong na ki thain khappud ba marjan ki la ioh jingmyntoi na kane ka prokram bala pynlong daki BSF.
Haba kren ha kane ka sngi u Sh. U Rajesh Kumar Karwasara, 2IC jong ka 172nd Battalion u la ban jur halor ka jingkordor bad ka jingtreikam jong kum kine ki Civic Action Prokram ba la pynlong da ki bor pahara khappud.
U la pynpaw ba ki BSF ki ju shimkhia ban iarap ia ki nongshong shnong ha khappud.
