Shillong, K’lyngkot 21 : Ki shipai BSF ka Meghalaya Frontier, kila ioh kem ia 5 ngut ki nongkhaii Bangladesh bad ioh pyn pulom ia ka kam khaii tuh ha khappud.
Ia kine ki briew la ioh ban kem ha ka 20 tarik Kyllalyngkot na khappud ka South Garo Hills.
Kine ki briew ki kyrteng u Md. Sakibul Basir, ( 20) na Mymensingh, Adnan Mahamod Rohim, ( 22) na Mymensingh, Sojib Ahamed, (17) na Mymensingh, Md. Sakib Hussain (19) na Mymensingh, bad u Md. Saju (27) na Mymensingh.
Ki shipai kila pynlong ruh ia ka jingkhynra ha khappud ka East Khasi Hills bad West Khasi Hills bad ioh kurup ia bun bah ki masi, ka shini, ki blanket, u cumin zeera, ka kyiad bad kiwei kiwei. Kine ki mar ki shongdor haduh T.13.54 lak.
Ia kine ki briew bad ki mar la aiti noh sha ki Pulit bad ki Custom ba kin leh ia kaba donkam.
