Shillong, K’lyngkot 16 : U Myntri Rangbah ka Jylla Conrad K Sangma ula pyntip ba ka Sorkar Jylla kan sa sdang pyntrei noh shen ia ka Swimming Pool kaba biang nadong hadong ha ka shnong Mawkhanu.
“Kane kan dei kawei na ki pung jngi kiba heh duh hapoh ka thain Shatei Lam Mihngi bad ka dei kaei kaei kaba nga la phaikhmat bha” ong u Conrad.
U pyntip ba ka Tnad kala dep ban pynkhreh ia ka detailed project report (DPR) jong kane ka swimming pool kaba heh kat kum ka pung jngi Olympics bad kumjuh ruh ia ka Tennis court.
Nalor kane, u Myntri Rangbah ula pynbna ba ka Sorkar kan sa shna sa ia ka football stadium, ka ban dei kaba heh duh hapoh ka Ri, ha ka thain Mawkhanu.
“Ngi dang pynkhreh ruh ia ka DPR jong ka football stadium ba hehduh, ka ban don ha Mawkhanu. Kane ka stadium kan ngiam ban shong kumba 40,000 ngut bad kan dei ka stadium kaba hehduh ha ka Ri. Kane ka dei ruh ka kam kaba ngi la phaikhmat bha” ula bynrap.
