Shillong, Kyllalyngkot 09: Ka Shillong Lajong FC kan iakhun pyrshah ia ka Real Kashmir FC ha ka sngi Thohdieng, ha ka por 7 baje mynmiet ha SSA Stadium, Shillong.
Ka Shillong Lajong kan iakhun biang lashai ka sngi ia ka I-League bad ka don ha ka kyrdan kaba 9 da kaba kamai 6 point na ki 6 sien jong ka jingiakhun.
Ka Real Kashmir kala don ha ka kyrdan kaba 7 bad kamai 9 na ki 6 sien jong ka jingiakhun.
U Head Coach ka Lajong u Jose Carlos Rodriguez Hevia, ula pynpaw ba ka kynhun kala pynkhreh bha ialade na ka bynta katei ka jingialehkai bad u khmih lynti ba ka Lajong kan ioh khur ia ka 3 point pyrshah ia katei ka kynhun kaba khlain kaba na Kashmir.
Ka jingakhun hapdeng kine ki ar tylli ki kynhun kan long kaba itynnad bha namar ba kin iakhun ban ia knieh ban kiew kyrdan.
Ia kane ka jingialehkai yn pyni live ha Sony Sports 2 Channel, SSEN mobile app bad ha ssen.co website.
