Shillong, Naiwieng 28 : Ka Sorkar Pdeng ka dang ap ia ka kaiphod jong ka Committee ki arngut ki dkhot kaba tohkit ia ka jingkynnoh pyrshah ia u Vice Chancellor ka NEHU Prof PS Shukla ba u pyniaid bakla bad bym nang treikam hashuwa ban shim rai ia ka kam.
Ia kane la pyntip da u Nongialam ka BJP bad Myntri Sorkar Bah AL Hek ha ka sngi Palei, hadien ba ka kynhun na ka BJP-Meghalaya, kala leit iakynduh dang shen ia u Myntri Khynnah ka Ministry of Education ha New Delhi.
“Ngi (ka kynhun) la batai ia u (MoS) bad aiti ia ka shithi halor ka kam ba iadei bad ka NEHU. Kila tip shai bha halor kane ka kam bad kila phah ia arngut ki dkhot ban tohkit ia kane ka kam. Ki dang ap mynta ia ka kaiphod” ong u Bah Hek haba iakren bad ki lad pathai khubor.
“Kat kum ka jingtip jong nga, ka Committee kala dep pynkhreh ia ka kaiphod hynrei kan dang ban aiti sha ka Ministry” ula ong.
Haba kylli halor ka jingdawa ban weng ia u VC, u Bah Hek ula ong ba jan baroh ki kynhun napoh ka skulbah naduh ki samla pule (NEHUSU), ki Nonghikai (NEHUTA & MeTTA) bad ki Nongtrei (NEHUNSA) kila aiti ia la ki mudui pyrshah ia une u VC ba mynta.
“Kumta lada ki jingkynnoh kine ki Kynhun ka dei kaba shisha, lada phi dang buh ia ujuh u VC, ki kam ki jam kin nym long shuh kiba iaid beit iaid ryntih ha NEHU” ula ong.
Baroh kine ki kynhun na NEHU kila iakynduh ia ka Committee ki arngut ki dkhot bala thung da ka Ministry of Education bad phah ia ka khubor sha ka Sorkar Pdeng ba ka jingwanphai jong u VC ba mynta kan dei ka bym lah satia ban pdiang.
 la batai ia u (MoS) bad aiti ia ka shithi halor ka kam ba iadei bad ka NEHU. Kila tip shai bha halor kane ka kam bad kila phah ia arngut ki dkhot ban tohkit ia kane ka kam. Ki dang ap mynta ia ka kaiphod” ong u Bah Hek haba iakren bad ki lad pathai khubor.){kind=link}