Shillong, Naiwieng 28: Ki samla pule ka North Eastern Institute of Ayurveda & Homoeopathy ne NEIAH, kaba don ha Mawdiangdiang, Shillong, kila pynlong ka jingshah thngan khlem pud sngi kaba sdang naduh hynne ka sngi Palei.
Ia kane ka jingiakhih la pynlong halor ka jingshah pynduh stipend ki samla pule Post Graduate kaba la iaid mynta la palat 1 snem tam.
Nalor kane, kiwei pat ki nongrim ki dei namar ka jingslem ban pynioh jingithuh naka skulbah NEHU bad ka jingbym don guide ne Nongiarap iaki sama pule kat kum ki kyndon ka National Commission for Homoeopathy .
Phra ngut ki samla kynthei kynthup 4 ngut naka thup pule North East Category bad 4 ngut naka thup All India Category, ki la shim iaka sienjam ban pynlong ia kane ka jingshah thngan khlem pud sngi.
Kiwei ki samla pule kila iasnoh kti lang ha kane ka jingiakhih bad synran ia kiba shah thngan daka ba shong kyllain mungor hakhmat ka ophis ka Director ka NEIAH.
Ki samla pule kila iathuh na naduh u bnai Iaiong, kila dep ban phah bun tylli ki jingthoh bad dorkhas sha ka ophis ka Director ka NEIAH hynrei haduh mynta kam shym la don kano kano ka sienjam ban pynurlong iaki jingdawa.
