Shillong, Naiwieng 24 : Ka Tnad Education ka Jylla ha ka sngi Palei, kala iasoi ia ka Memorandum of Understanding (MoU) bad ka National Stock Exchange (NSE) ban ai jinghikai ia ki samla pule College ka Jylla halor ka Banking, Insurance bad kiwei kiwei.
Ia kane ka MoU la iasoi ha ka jingiadon ryngkat u Myntri Rangbah ka Jylla Conrad K Sangma, u Myntri ka Tnad Pule Puthi Rakkam A Sangma, u Chief Secretary ka Jylla Bah DP Wahlang bad ki Ophisar na ka Tnad Pule Puthi bad ka NSE.
U Myntri Rangbah ula ong ba ka jingtip kumno ban pyndonkam ia ka pisa ha ka lynti kaba dei bad ki buit ban pyndonkam ia ka, ka dei ka kam kaba ki nongsengkam bad ki samla jong ka Jylla ki duna bha. Ula ong ba ka jingai jinghikai da ka NSE kan iarap ban shim rai ha ka lynti kaba dei bad kiar na kiba lah ban pynduhnong bad iarap ruh ban ioh ia ka lawei kaba shngain da kaba shim rai kat kum ki jingtip bad ka jingshemphang.
