Shillong, Naiwieng 20: U dkhot Non-Judicial ka Meghalaya Human Rights Commission (MHRC) bah H. Nongpluh, IPS (Retd) hynne ka sngi Balang, u la leit iakynduh kum ka dak ka jingburom ia u Lat ka jylla u CH Vijayashankar, ha Raj Bhavan Shillong.
Ha kane ka jingiakynduh, u Bah Nongpluh u la batai ia u Lat ia ki kam jong ka Meghalaya Human Rights Commission, da haba ban jur ia ka jingpyrshang jong ka Commission ban iada ia ka hok longbriew manbriew ha ka jylla.
Kala don ka jingiakren halor ka jingdonkam ban pynthikna ia ka jingbishar hok, bag ka jingiada ia baroh ki nongshong shnong, da kaba pynleit jingmut kyrpang ia ki jaitbynriew kiba shah iehnoh bein bad kiba wan naki longïing ba duna ka ioh ka kot.
U Lat u la iaroh ia ka bynta ba kongsan jong ka Meghalaya Human Rights Commission ha kaba weng ia ki jingeh ha kaba iadei bad ka hok longbriew manbriew bad u la pynthikna ba un iai bteng ban kyrshan ha kaban pynkhlain ia ki kam ba ka trei ban pynneh ia ka jingbishar kaba hok bad ka jingbym shah liang ha ka jylla.
