Shillong, Naiwieng 07 : Uwei u rawon na Jylla Meghalaya, ula iap shah lympat bording elektrik hynne ka sngi Palei katba u dang khwai dohkha ha kawei ka pung ha Assam.
Kane ka jingjia kala jia ha kawei ka pung khwai dohkha kaba don ha Balijhar, Boko, Kamrup District.
Ia une u rawon la tip kyrteng da u Commander Aiu Fau ba 45 snem ka rta, uba dei na ka shnong Riangdo-Muchiang, Meghalaya.
Kat kum ka jingiathuh ki paralok ba ialeit khwai lang, une u rawon ula khei pyntyngkhuh ia u ryngwiang khwai bad u sainar elektrik, kaba lam sah ka jingshah lympat ha ka bording.
Ia une u rawon la pynkit mar mar sha Boko Primary Health Centre hynrei ki doktor kila pynbna ba ula khlad noh.
Ka kynhun ba 19 ngut ki briew na Riangdo, Meghalaya, kila wan sha ka shnong Balijhar, kaba hap hapoh ka Boko Police Station, ban iakhwai dohkha n aka pung.
Ia ka metiap la buh mynta ha Boko Police Station.
