Shillong, Naiwieng 03: Ka Senior Men’s Selection Committee jong ka Meghalaya Cricket Association (MCA) kala wanrah ia ka jingpynkylla ha ka kynhun ialehkai cricket jong ka jylla kaba iashimbynta ha ka U-23 Men’s Col CK Nayudu Trophy na ka bynta ka jingiakhun kaba saw pyrshah ia ka Rajasthan.
Kane ka jingiakhun kaba bun sngi kan sdang naduh ka 8 tarik u Naiwieng ha Jaipur.
Ka Meghalaya kala rem ha baroh 3 tylli ki jingialehkai pyrshah ia ki kynhun kiba khlain kiba kynthup ia ka Punjab, Andhra Pradesh bad ka Himachal Pradesh.
Ka MCA kala wanrah ia ka jingpynkylla ia ki nongailehkai da kaba pynrung noh da u Rohit Kr Yadav, Sachin Kumar bad Kush Agarwal ha ka jaka jongu Aman Kumar, Avinash Rai bad u Purav Agarwal.
Ka kynhun ka Meghalaya pyrshah ia ka Rajasthan ka kynthup ia u Kevin S Christopher (C), Manish Sharma (V-C), Rohit Kr Yadav, Sachin Kumar (WK), Abhishek Kumar, Kush Agarwal, Gulgul Sangma, Gavineal J Marpna, Bipin Kr Ray, Josiah Momin, Joydeepan Deb, Banialam Mylliemngap, PM Santhosh, Thunun Marak (WK) bad u Swastic Chettri.
Ki nongialehkai kiba la pynap lypa ne ki Standby ki kynthup ia u Agreas Cham Cham Sangma, Navin K Ray, Aman Kumar, Bharat Gurung bad u Raghav Magotra. Ki Support Staff ki kynthup ia u Neetesh Sharma (Head Coach), Synrapsing Riahtam (Assistant Coach), Emidao Dhar (Physio), Skhembor Khongbtep (Trainer) bad u Chuba R Marak (Manager).
