Shillong, Risaw, 28: Kum shi bynta jong ka jingrakhe ia ka Vigilance Awareness Week, u Chief Secretary ka jylla u Bah DP Wahlang hynne ka sngi Nyngkong ula pyntian smai ha ka Main Secretariat, Shillong ban pyrshah iaka bamsap ne Corruption ha kaba la iadonlang ki heh ophisar sorkar.
Ka Central Vigilance Commission (CVC) kala sdang ia ka Vigilance Awareness Week 2024, naduh ka 28 tarik u Risaw haduh ka 3 tarik u Naiwieng hapoh ka mat “Culture of Integrity for Nation’s Prosperity”.
Ka Vigilance Awareness Week kadei kaba la pynlong ha ka taiew ba kut jong u bnai Risaw ban pynshlur ia baroh kiba donbynta ban iada bad ban iakhun pyrshah ia ka kam bamsap bad kumjuh ban pynsngewthuh paidbah shaphang ka jingdon jong ka bamsap bad ka jingbuh jingma ka jongka.
