Shillong, Risaw 26 : Ka University of Science & Technology, Meghalaya (USTM) hynne ka sngi Saitjain, kala pynlong ia ka jinglehkmen kum ka dak ka jingai jingmynjur jong ka National Medical Commisson (NMC) ia ka PA Sangma International Medical College & Hospital (PIMC).
Ka USTM kala pynbna ruh ba kan pynkha sa ia ka Dental College ka ban ainam ha ka kyrteng u Myntri Rangbah barim ka Jylla Dr Donkupar Roy.
Ia kane ka jinglehkmen la pynshongkun da ka jingiadonlang u Myntri Rangbah ka Jylla Conrad K Sangma,ka Soradini K Sangma Kmie u Conrad bad kurim u (L) PA Sangma, ka Myntri ka Koit ka Khiah ka Jylla Kong Ampareen Lyngdoh, u Myntri ka tnad bording AT Mondal, u MLA ka Shella Bah Balajied Kupar Synrem lem bad kiwei kiwei.
Haba kren ha ka jingialang, u Myntri Rangbah ula ai khublei ia ka USTM halor kane ka jingjop jong ka bad pynpaw ia ka jingsngewnguh ia u Myntri JP Nadda jong ka Ministry of Health & Family Welfare ka Sorkar India bad ki Ophisar ka Ministry namar ka jingkyrshan bad jingiarap ban ai jingmynjur ia ka Medical College ba 150 seat ka PIMC.
“Nga la don bynta lang ha u snem 2008 ha ka por ba mynjur ia ka USTM Bill bad mynta ka USTM ka dei ka sakhi ia ka jingia treikam kum ka kynhun bad ka jinglong nongialam” ula ong.
“U PA Sangma, u ngeit ha ka jingkynshew ha ki samla bad ka jingkynshew kaba khraw tam kaba ka Sorkar ka lah ban leh ka dei ha ki samla jong ka namar u soh jong kane ka jingkynshew u dei u bym lah ban niew satia” ula ong.
U Conrad ula ong ba ki jingim jong ki Nongialam kiba khraw kum u (L) PA Sangma, (L) Dr Donkupar Roy bad kiwei kiwei, ki dei kiba ai mynsiem namar kila ieng rasong hapdeng shibun ki jingeh ha ka jingim.
Haba pynkynmaw ia ki por samla jong u (L) PA Sangma ba ula iohsngew na ka Kmie Soradini K Sangma, u Conrad ula ong “Ka jingim jong ki briew kumu PA Sangma bad Dr Donkupar Roy ka lah ban ai mynsiem shikatdei eh ia ki pateng ba mynta bad ka long kaba kongsan ba ki samla mynta ym tang ba kin kynmaw ia ki matti hynrei ban shim ia ki jinghikai na ki jingim ba sngewrit jong ki bad ki nongrim ba kine ki nongialam ki ieng”.
Shuwa kane, u Chancellor ka USTM Mahbubul Hoque haba ai jingkren, ula pynbna ba ka University kan sa seng sa ia ka dental college ka ban ainam ha ka kyrteng jong u Myntri Rangbah barim (L) Dr Donkupar Roy.
Ia kane ka jinglehkmen la pyniphuh iphieng da ki jingrwai bad jingshad nala tynrai jong ki samla pule ka University.
 hynne ka sngi Saitjain, kala pynlong ia ka jinglehkmen kum ka dak ka jingai jingmynjur jong ka National Medical Commisson (NMC) ia ka PA Sangma International Medical College & Hospital (PIMC).){kind=link}