Ban pynphyrnai ia ka lawei ki samla da ka programme ai jinghikai plie u MLA ha Nongpoh

Nongpoh, Risaw 09: U MLA ka Nongpoh Bah Mayralborn Syiem mynta ka sngi u la pynlait paidbah iaka program kaba la tip kum ka A new youth empowerment initiative, the “Inspire & Inform” Project, ka ban neh kumba 2 bnai eiei. Ha kane ka prokram la ia donlang ruh u Managing Director ka El Elyon Istitute u Samla Sainkupar Syngkli, lem bad katto katne ngut ki riew rangbah jong ka thain.

Ia kane ka program ban saindur iaki khun samla bad ruh ban ialap phriang iaka khubor shaphang ka jingma bad ka jingshyrkhei jong u drug bad ka jingshong kha khynnah, la shimkhia da u MLA ka Nongpoh hakaba u la aiti pat sha ka El Elyon Institute kawei naka shlem ai jinghikai kaba don ha sor Nongpoh ban pyniaid ia katei ka program.

Haba kren sha ki lad pathai khubor u MLA ka Nongpoh u Bah Mayral Born Syiem u la iathuh ba Katei ka program “Inspire & Inform” Project ka don iaka jingthmu ban weng ia ki jingeh kiba ktah ia ki samla ha Ri Bhoi District, Ka jingpynleit jingmut ha kaba ai jinghikai khlem jingsiew na ka bynta ban pynkhreh iaki eksamin bapher bapher bad ban ban leit tur ruh sha ki shnong bapher bapher jong ka district ban ai iaki jingpynsngewthuh paidbah halor ki phang kiba kongsan kum ka National Education Policy(NEP) 2020, ka jingma naka jingdih ia u drok bad ka jing shongkha khynnah.

U la ong ruh ba kane ka jingthmu jong u lem kum u nongmihkhmat kan pynkup bor ia ki khun samla shimet da kaba pynkhreh ia ki da ki ban lum iaki jingtip kiba donkam khnang ba kin lah ban leh bha ha ki eksamin ba kin ïakhun naka bynta ban wat kam wat jam bad ha kajuh kapor kan pynkhlain ruh iaka jingmut jingpyrkhat jong ki khun samla ba kin nang ban shim ïa ki rai kiba naka bynta ka lawei jong ki.

Shuh shuh ruh, u la iathuh lyngba kane ka program ka kwah ban ai iaki jinghikai kiba paka kumta yn jied tang 40 lane 50 ngut ki khynnah lyngba ki test naka bynta baroh kiba wan ban apply, da kaba ai mynsiem iaki khun samla jong ka dong bad ka thain ba kin shim ia kane ka lad jong kane ka program kaba ai iaka jingnang jingtip kaba biang lyngba ki jinghikai lyngba ki riew shemphang ki ban sa wan ban hikai ha kane ka program.

U Managing Director ka El Elyon Institute, u la iathuh ba katei ka program kan nym kut tang hapoh ki saw kynroh jong ka Institute hynrei kin leit ruh sha ki shnong bapher bapher ban sam ia katei kajuh ka jinghikai, u la ong ruh ba wat la kan nym long kajuh ka ai jinghakai hynrei naka liang jong ki kin pyrshang hikai bad batai da kumno kumno 50 lane 60 percent ia kaei kaba hikai hapoh ka institute.