Shillong, Risaw 01 : Ki shipai BSF ka Meghalaya Frontier, kila ioh ban kem haduh 4 ngut ki nong India bad kurup ia 4 tylli ki kali kiba kit ia ki marbam mardih na khappud ka East Khasi Hills.
Kat kum ka kyrwoh ki BSF, ha ka 30 tarik Nailur, ki shipai kila ioh ia ka jingtip ba thikna ia ka jingdon ki kali kiba kit shini, kiba iaid sha Shella lyngba ka surok Iachamati bad mar mar ki shipai ka 110 Battalion, kila ioh bat ia 4 tylli ki kali.
La iathuh ba lai tylli na kine ki kali ki dei kiba kit shini bad kawei ka dei kaba kit ia u rynsun, kiba shongdor haduh T.10 lak.
La iathuh ba ha ka jingtohkit, ki nongniah jong kine ki kali kim shym la lah satia ban pyni ia ki kot ki sla bala ioh jingbit ban kit ia kane ka shini bad u rynsun.
Ia kine ki briew ha ryngkat ki kali bad ki mar khaii, la aiti noh sha ka Land & Custom Office kaba don ha Bholaganj.
