Shillong, Risaw 01 : Ka Expert Committee on the State Reservation Policy, kan pynlong ia ka Public Hearing naduh ka 3 tarik Risaw ha Shillong, Tura bad Williamnagar.
Ia kane la pyntip lyngba ka notice bala pynmih da u Chairman ka Expert Committee Justice Mool Chand Garg (Retd) k aba la phah sha ki kynhun bapher bapher ha u bnai bala lah.
Ka Committee kan pynlong ia kine ki Public Hearing haba buddien ia baroh ki jingthoh/ki jingiakren/ki jingai jingmut/ki jingkynthoh.
Ha Shillong, ka Committee kan pynlong ia ka hearing haka 3 tarik Risaw, 4 tarik bad 5 tarik Risaw bad ha Tura bad Williamnagar yn pynlong ha ka 21 haduh ka 25 tarik Risaw.
Ka notice ka pyntip ruh ba ka hearing ha Shillong kan long ha State Convention Centre naduh ka por 9 baje mynstep haduh 1 baje janmiet bad naduh 2 baje janmiet haduh 6 baje janmiet.
Ia ki jingtip ba bniah halor ka hearing ha Tura bad Williamnagar yn sa pyntip kham hadien.
Ka Committee kala kyntu ia baroh ki kynhun ba kin wan sha ka hearing ha ka 3 tarik Risaw bad ban wanrah ruh ia ki kot ki sla ban kyrshan iala ki jong ki jingthoh ba kila aiti.
