Shillong, Nailur 23 : Ka Iingkashari Meghalaya High Court kala bthah ia ka Sorkar Jylla ban file ia ka affidavit kaba bniah bha halor ka jingshna ia ka surok Mawphlang-Balat hapoh ka 10 sngi.
Ha ka hukum bala pynmih haba bishar ia ka PIL jong kane ka kam, ka Iingkashari kala ong ba ka Affaidavit ka ban ioh buh jingthuh halor ka jingiaid jong ka kam mynta haba iadei bad ka jingshna ia ka surok Mawphlang-Balat haba pynbud ia ka hukum ba 11.09.2024, lah dep ban file da ka liang manla No.3.
“Katto katne ki shithi bad ki jingmynjur la suhlang ha ka affidavit kaban long shi bynta jong ka kaiphod ka jingiaid jong ka kam. Hynrei, kam shym la don ka jingbatai kaba bniah halor ka jinglong jingman” kala ong.
“Watla ka Iingkashari kala phaikhmat bha sha ki artylli ki shithi ba 24.06.2024 bad 19.06.2024, kine ki shithi ki dei tang ki jingkyrpad ym ka jingmang lane jingmynjur bad kata ruh ka dei tang ia ka 13 km ka surok”.
“Ka Sorkar kan file ia ka affidavit ba bniah halor kane ka kam hapoh ka 10 sngi. Kumta, buh ia kane ka kam ban bishar biang ha ka 04.10.2024” ong ka Iingkashari.
