Shillong, Nailur 16 : Ka Khasi Hills Autonomous District Council (KHADC) kala ai ia ka kamra ba kyrpang ban pyndonkam ki Khlieh Nongsynshar Hima kum ka Ophis treikam haba ki wan donkam hapoh ka Council.
Ia kane ka Ophis la aiti da u Chief Executive Member (CEM) Bah Pyniaid Sing Syiem ha ka jingialang ba lyngkot hynne ka sngi Nyngkong.
U CEM ula pynpaw ba kane ka Ophis ka dei kaba la ai ban iarap ia ki Syiem, ki Lyngdoh, ki Sordar, ki Sirdar bad ki Wahadadar ba kin pyndep ia ki kam haba ki wan donkam sha KHADC.
Ban pynbiang shuh shuh ia ki jingdonkam jong ki, ka Council kala buh ruh ia u/kawei ki nongtrei ki ban iarap ia ki Syiem.
U Bah Pyniaid ula ong ba ka jingbuh ia kane ka Ophis ka dei kaba la leh da ka jingthmu ban pynkhlain ia ka jingiadei hapdeng ka KHADC bad ki Khlieh Nongsynshar jong ki Hima bad Elaka, bad pynthikna ia ka jingiatreikam kaba iajan hadien habud.
 kala ai ia ka kamra ba kyrpang ban pyndonkam ki Syiem bad ki Hima kum ka Ophis treikam haba ki wan donkam hapoh ka Council.){kind=link}