Shillong, Naitung 24 : Ki pulit Traffic ka East Khasi Hills, kila dain kuna haduh 109 tylli ki kali ba tah Iit iong, ha ka jingkhynra ba pynlong hapoh ka Disrict.
U Superintendent of Police ka East Khasi Hills Bah S Nongtnger u pyntip ba ki Pulit ka District kila pynlong ia ka jingtar ia ki jingtah iong ha ki Iit jong ki kali hapoh ka District kum ka jingpyrshang ban wanrah ia ka jingshngain bad khanglad ia ki kam bymman.
Ula ong ba kat kum ka Motor Vehicle Act bad haba pyntreikam ia ka hukum ka Iingkashari Supreme Court, ka jingtah iit iong ka dei kaba la khang pyrshah bad kiba ialeh pyrshah kin ngat ia ki jingsajia.
Une u Heh Pulit ula kyntu ia ki trai kali ba kin bud ia ki kyndon ain bad wen glut noh ia baroh ki jingtah iong ha ki iit kali.
