Shillong Nailar 12: U Myntri Rangbah ka Jylla Conrad K Sangma, hynne ka sngi thohdieng u la ot ribon iaka jingtreikam jong ka YESS Meghalaya ha rilum Garo, ha ka jingiadonlang ki MLA kiba kynthup ia u Thomas A Sangma bad u Marcuise Marak.
In Tura, 61 Youth Organizations were given cheques worth a total ₹29.60 Lakhs to conduct various programs for youth development focusing on activities concerning youth-related issues & solutions.@narendramodi @dpradhanbjp pic.twitter.com/aXV323Zsf7
— Conrad Sangma (@SangmaConrad) August 12, 2022
Ka YESS Meghalaya ka dei ka prokram kaba la khmih lynti ban long kawei na ki lad ai jingiarap ba pynmyntoi ei ia ki samla da kaba iarap song pisa sha ki Seng Samla ba kin ioh ia ka jingjop ha ka jingtrei kam bad ba lah ruh ban wanrah ia shibun ki jing kylla ha ka imlang sahlang.
Haba kren ha ka jingialang, u Conrad Sangma ula pyntip ba ki don palat 3000 tylli ki Youth Club bad Organisation ha kylleng kane ka jylla kiba la dep ban rejistar ialade bad kiba trei ha ka liang bapher bapher ha kaba ka sorkar jylla lyngba ka YESS Meghalaya kan sa ai jingiarap da ka song pisa ia ki.
Ha katei ka sngi, kila don 61 tylli ki Seng jong ki Samla na ki 5 tylli ki District jongka Rilum Garo kiba la ioh pdiang iaka song tyngka. U Myntri Rangbah ula aiti ruh iaka cheque sha ki nong jop jong ka Meghalaya Games 2022, kaba la long dang shen ha nongbah Shillong.
Distributed Cash Awards worth a total ₹3 Lakhs to the Medal Winners of the recent 4th #MeghalayaGames from Garo Hills. Hoping this incentive will encourage them to work harder so that they can bring glory to our State & nation@ianuragthakur @IndiaSports pic.twitter.com/oIne0VvDpT
— Conrad Sangma (@SangmaConrad) August 12, 2022
‘Bun ki kynhun jong ki samla ki trei na ka bynta ban kyntiew ia ka roi ka par bad ban iadonbynta ha ka ban tei ia ki para samla ba kin lah ban shim ia ki sienjam kiba paka, hynrei ba kin lah ban shim ia ka sienjam kaba khraw ka ban lah ban wanrah ia ka jingkylla, ka long kaba donkam ia ka Sorkar Jylla ban pynkup bor ia kine ki kynhun jong ki Samla ba kin lah ban shim ia ki sienjam kiba bha.
Ka Yess Meghalaya kan ai jingiarap pisa haduh T.1 Lak ia ki youth club bad Organisations bala register ba kin leh ia ki kam jong ka roi ka par kiba iadei bad ka jingiada ia ka mariang, ban pynlong ia ki Workshop, ban pynlong ia ki workshop bad seminar ban pynsngewthuh ia ki samla ba kin kiar naki jingdih kiba sniew, ban kiar na ka jingiong khun ha ka rta ba dang rit, ban pynlong ia ki Career Counselling bad Guidance Work shops, ban pynlong iaka Youth Parliament bad kiwei kiwei.
Haka jingrakhe iaka International Youth Day hynne ka sngi, u Myntri Rangbah ula sam ruh iaka song tyngka kaba T. 69.6 lak sha ki 61 tylli ki kynhun jong ki samla ka rilum Garo.
Lah ban kdew ba ka Sorkar kala plie iaka Yess Portal ha kaba ki kynhun jong ki samla ki lah ban rejistar ialade ban ioh pdiang ia ki jingiarap pisa kaban long hadien ba la dep ban bishar bniah iaka aplikeshon ka jongki.
