Agartala, Nailar 12 :U Myntri Rangbah (CM) ka Tripura, u Manik Saha u la pynpaw ka jingsngew skhem ba ka BJP kan jop la kumno kumno 50 tylli ki seat ha kane ka ilekshon assembly 2023 ha ka jylla.
Ia ka ilekshon sha ka iingdorbar assembly ka Tripura ka ba don 60 ngut ki dkhot yn pynlong shwa ka shiteng snem jong u 2023.
Ha ka ilekshon assembly ha u 2018, ka BJP ka la jop 36 tylli ki seat, bad ioh ia ka jingbun paid ha ka jylla.
“Da ka ba bishar halor ka jingphaikhmat jong ki paidbah halor ki prokram jong ka BJP, Nga thikna ba ka party kan jop 50 tylli ki seat,” ong u CM ka Tripura.
Nalor kata u Saha u la kam ruh ba ka BJP kan kylla long ka party sain hima ka ba khrawbor tam ha ba ia nujor bad kiwei pat ki party kum ka CPI-M, ka Congress bad ka Trinamool Congress, ia ka ba u la shim ba ki long tang ki syrngiew hapdeng jong ki.
